Previsiones de su mare Mediterraneo
Custu est su bullettinu de sa condizione de su mare Mediterraneo, istimadu cun d'una accuradesa de tres chilometros dae su simuladore nostru, chi amus giamadu WMRM, dae s'ingresu Western Mediterranean Regional Model. Dominiu: 3-16 °E; 36.5-44.5 °N
Ispiegazione - Mediterraneu occidentale -
Custu simuladore est impittadu pro sos mares in giru a sa Sardigna, hada una accuradesa de tres chilometros, e donzi die produidi una previsione, chi baled finzas a chimbe dies a innanti, de s'istadu de s'abba (temperadura, cantidade de sale, currentes e gai). Sa previsione cominzat dogni cominzu de die, a mezanotte (orariu de Greenwich).
Su simuladore nostru est basadu subra de su simulatore POM (Princeton Ocean Model, fattu dae Blumberg e Mellor, 1987), et si accoppiada a sa circolazione generale de tottu su Mediterraneu prevedida dae su simulatore MFSTEP-OGCM, accuradu de sette chilometros, fattu in Bologna dae sos ricercadores de s'INGV (Pinardi et al., 2003). Pro connoscher s'istadu de sas aeras impittamus su simuladore grecu Skiron (Kallos et al., 2005), chi nos dada sas previsiones de bentu, nues, umididade e gai donzi ora, cun d'una accuradesa de deghe chilometros; dae custos nois calculamus cun calculos empiricos sos iscambios de calore, abba e velozidade intra mare et aera.
Sa simulazione nostra donzi borta torrada a cominzare da inue li narad su simuladore de su Mediterraneu intreu. Sa simulazione est guasi in tempu reale proitte, in giru de tres dies, leada in considerazione sos valores osservados (dae satellites, sensores marinos e gai) de mare e aeras; sos tempos nostros de leare sas informaziones dae sa rete Internet, e de fagher sa simulazione, sunu de guasi bindighi oras.
Custu sistema previsionale si giamat POMO (Previsioni d'Onda nel Mediterraneo Occidentale) e impittat su modellu numericu de terza zenia WaveWatch3. Funzionat subra sos mares in giru a sa Sardigna cumprendende puru su Ligure, cun d'una prezisione de sette chilometros. Donzi die produit previsiones chi balent finzas a chimbe dies a innanti de sas undas (altaria, inue sun andende, longaria e frequenzia). Este guidadu dae duos atteros sistemas previsionales: su modellu atmosfericu grecu Skiron chi li dat bentu e callentura de s'aera, e su modellu marinu aristanesu WMED chi li dat currente e callentura de s'abba.
- area costiera di Oristano -
Il sistema di simulazione numerica della circolazione marina e lagunare nelle acque del Golfo di Oristano (Mare di Sardegna centrale) ...
 |
Cuntattanos |
|
English Version |
 |
Versione Italiana |
|
Dr Roberto Sorgente IAMC-CNR Oristano, c\o IMC, Loc. Sa Mardini, 09072 Torregrande, Oristano, Italy  tel. +39.0783.22027/22136/22032  fax +39.0783.22002 email: roberto.sorgente@iamc.cnr.it |
|
